सिँजादर्पण l एक वरिष्ठ अमेरिकी अधिकारीले इजरेल र लेबननको हिज्बुल्लाह युद्धविराम गर्न सहमत भएको बताएका छन्।इजरेलका एक सैनिक प्रवक्ताले भने युद्धविराम कार्यान्वयनमा रहेको तर आदेश पाए सेनाले पुनः सैन्य कारबाहीू गर्ने बताए।अमेरिका र इरानबीच भएको सहमतिलाई लेबननमा जारी द्वन्द्वले नकारात्मक असर पार्न सक्ने चिन्तामाझ उक्त सम्झौता भएको हो।शुक्रवार अमेरिका र इरानबीच स्विट्जरल्यान्डमा प्रत्यक्ष वार्ता हुने भनिएको भए पनि त्यो स्थगित गरिएको थियो।

लेबननले पछिल्लो इजरेली हवाई आक्रमणमा कम्तीमा १८ जना मारिएको बताएको थियो भने इजरेलले हिज्बुल्लाहले चार सैनिक मारिदिएपछि आफूले जबाफी आक्रमण गरेको जनाएको थियो।इजरेल डिफेन्स फोर्सेस  आईडीएफले हिज्बुल्लाह र इजरेलबीच युद्धविराम भएको पुष्टि गरेको छ। आईडीएफका प्रवक्ता एफी डेफ्ररिनले एउटा विज्ञप्तिमा भने, हामी युद्धविरामको अवस्थामा छौँ। आईडीएफ आदेश पाएको खण्डमा लडाइँलाई पुनस् जारी राख्न तयार छ।

अमेरिका र इरानबीच भएको सम्झौताअनुसार लेबननमा पनि युद्ध अन्त्य हुनुपर्ने थियो। तर लेबननको स्वास्थ्य मन्त्रालयले इजरेलका हवाई हमलाहरूमा दक्षिण भागमा गत राति कम्तीमा ४७ जनाको मृत्यु भएको जनाएको थियो।

इजरेली सेनाले आफूले इरानको समर्थन पाएको हिज्बुल्लाह समूहलाई निसाना बनाएको उल्लेख गर्दै आफ्ना चार जना सैनिकहरू मारिएको बताएको थियो।