सिँजादर्पण जुम्ला । जुम्लाको सिँजा स्थित कनकासुन्दरी मन्दिरमा घटस्थापना गरिएको छ । बिहान ९ बजेर २० मिनेटको साइतमा जौको जमरा राखिएको हो ।
सो अवसरमा स्थानिय दमाइले बाजा वजाएर मुख्य पुजारी शालिक राम देवकोटा र मुक्ति प्रर्साद उपाध्यायले विधिवत रुपमा जमरा राखेका हुन ।
आज बिहानै नित्य कर्म समाप्त गरी चोखो स्थलबाट माटो ल्याई गाईको गोबरले लिपपोत गरिएको पूजा कोठामा विधिपूर्वक आज छरिएको जौको अंकुरण जमरालाई दशमीको दिन देवीको प्रसादको रुपमा टीकासँगै ग्रहण गर्ने चलन छ । पुजारीले बिधि पुर्वक पुजा गरेपछि मन्दरीरमा दर्शन गर्न आएका भक्तजन हरुले टिका लगाएका थिए । कनकासुन्दरी गाउँपालिका वडा न४का अध्यक्ष सुर्यमणि हमाल पनि उपस्थिति भएका छन ।
हमालका हनुसार मन्दिरमा लिगो हाल्नको लागि सप्तमीका दिन सवैलाइ आवहान गरेका छन । सिँजाको एतिहासिक मन्दीर भएकाले कनकासुन्दरी माताको मन्दिरमा सवै सिँजा वासि हरुले सेवा गर्नु पर्ने पुजाँरी देवकोटा वताउछन । उनका अनुसार सिँजा सभ्यताको यो मन्दिरको निकै महत्व भएकाले जोकोहीले पनि यहाको दर्शन गर्दा मनकामनापुरा हुने धार्मिक विश्वास रहेको छ ।
विधिपूर्वक घट अर्थात् घडा स्थापना गरी त्यही घडामाथि शक्तिस्वरुपा दुर्गाको पूजा गरिने भएकाले आजको दिनलाई घटस्थापना भन्ने गरिएको हो । सूर्योदयकालमा प्रतिपदा भएका दिनमा घटस्थापना गर्नुपर्छ भन्ने शास्त्रीय मान्यता अनुसार आजको दिनलाई घटस्थापना भनी निर्णय गरेको हो ।
नवरात्रको पहिलो दिन शैलपुत्री, दोस्रो दिन ब्रहृमचारिणी, तेस्रो दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छैठौँ दिन कात्यायनी, सातौँ दिन कालरात्री, आठौँ दिन महागौरी र नवौँ दिन सिद्धिदात्रीको पूजा आराधना गरिन्छ ।
बडादशैंको सातौं दिन धार्मिक विधिअनुसार फूलपाती भित्राइन्छ । महाअष्टमी र महानवमीका दिन बलि पूजा गर्नेहरुले रागाँ ,बोका कनकासुन्दरी मन्दिरमामा बलि हानेर यहाँको धार्मिक महत्व वढाएको छ । यसो गरे माता खुसिहुने धार्मिक विश्वास छ । वलि केवल कालिमाताको मन्दिरमा गरीने र रागाँ मौलामा काटने चलन छ । काल रत्रिको दिनमा सरकारी रागाँ वलि दिने परम्पारा यस मन्दिरमा रहेको छ । आज बाट मन्दिर सवैका लागि खुला भएकोछ । सोह्र स्राद अमावसी वाट विदाइ भएपछि आज वाट देविको पुँजा आजा सुरु भएको मुक्ति उपाध्याएले वताए ।
कनकासुन्दरी मन्दिर व्यवस्था पन समितिका अध्यक्ष नर वहादुर रावतले पुँजामा कुनै होहल्ला गर्न नदिने पनि वताए । सचिव राता हमाल ले व्यवस्था पनको पाटो सुरक्षित हुनेमा सवैलाइ ढुक्क हुन भक्तजन हरुलाइ भजानकारी दिए ।
दशैं पर्वलाई असत्यमाथि सत्य र आसुरी शक्तिमाथि दैवी शक्तिको विजयको प्रतीकका रुपमा मनाउने गरिन्छ । दुर्गा पूजा र दशैं पर्व कुनै जात एवम् धर्म विशेषको भनी शास्त्रीय रुपमा प्रमाण नभएको यो मानव मात्रको कल्याणका पक्षमा काम गर्ने शक्तिको प्रतीकका रुपमा मनाउने गरिएको पुजाँरी शालिक राम देवकोटाले वताए ।
यस वर्षको दशैंको टीका असोज २६ गते शनिबार परेको छ । विजयादशमीका दिन बिहान ८ बजेर ३३ मिनेटमा देवी विसर्जन गरेपछि ११ बजेर ३६ मिनेटको शुभ साइतमा मान्यजनबाट प्रसादका रुपमा टीका, जमरा र फूल प्रसाद ग्रहण गरिनेछ ।
