सिँजादर्पण काठमाडौं । जनता समाजवादी पार्टी (जसपा) नेपाललाई प्रधानमन्त्री केपी शर्मा ओलीले सभामुखसहित १२ वटा मन्त्रालय दिने प्रस्ताव गरेका छन् ।
केही दिनअघि बालुवाटारमा अध्यक्ष महन्थ ठाकुर र वरिष्ठ नेता राजेन्द्र महतोसँगको भेटवार्तामा प्रधानमन्त्री ओलीले सभामुखसहित १२ मन्त्रालयको प्रस्ताव गरेको ठाकुर निकट स्रोतले बताएको छ ।
मन्त्रालय प्रस्ताव गर्दा प्रधानमन्त्री ओलीले युवा नेताहरुलाई प्राथमिकता दिने जानकारी गराएका थिए । बालुवाटार स्रोतका अनुसार युवा नेताहरु राजकिशोर यादव, उमाशंकर अरगरिया, इस्तियाक राई, प्रदीप यादव, प्रमोद साह, चन्दा चौधरी लगायत प्रधानमन्त्रीको रोजाईमा छन् । त्यसैले, सभामुखमा प्रधानमन्त्री ओलीले शरतसिंह भण्डारीलाई आगाडी बढाउन ठाकुर(महतोलाई सुझाव दिएका छन् ।
भण्डारी अनुभवी नेता भएका कारण संसदको काम कारवाही राम्ररी सञ्चालन गर्न सक्नुहुनेछ भन्ने विश्वास प्रधानमन्त्री ओलीमा रहेको छ । वैशाख २७ गते विश्वासको मत लिनुअघि प्रधानमन्त्री ओलीले जसपा नेताहरुलाई बालुवाटार बोलाएर सत्ता सहकार्यबारे छलफल गरेका हुन् । तर जसपा नेताले कुनै ठोस जवाफ दिएका छैनन् ।बाबुरामसहितको जसपा टोली बूढानीलकण्ठमा, प्रचण्ड ओलीलाई आपत बुढानीलकण्ठबाट कांग्रेस–जसपाको नयाँ रणनीति, एकजुटहुँदै गर्यो यस्तो घोषणा ।
