सिँजार्दण सम्वाददाता दोलखा ।नेकपा, दोलखाले असार २० गते कालिन्चोक( १, बेगुम्पामा सयौं जनसभागितामा जनसंगठन तथा जनसेवा अभियानको उद्घाटन गरेको छ ।उक्त अभियानको उद्घाटन गर्दै पार्टीका जिल्ला इन्चार्ज तथा केन्द्रीय सदस्य कमरेड प्रवीणले यो अभियानले जनताको आफ्नो संगठनले मात्रै जनताको सेवा गर्ने, राष्ट्रियता, जनतन्त्र र जनजीवीका मुद्दा जोड्दार उठाउदा दलाल सत्ताले पार्टी र जनतालाई प्रतिबन्ध लगायो ।
आज सरकार र पार्टीबीच भएको तीन बुदे सहमति कार्यान्वयन गर्ने सवालमा सरकार उदासीन रहेको, दलाल संसदीय ब्यवस्था र संसदवादी पार्टीहरू असफल तथा अक्षम भएको, अब जनमतसंग्रहमार्फत ब्यक्ति र पार्टी होइन व्यवस्था चुन्ने, वैज्ञानिक समाजवाद स्थापना हुने र त्यसले मात्र जनताका गास, बास, कपास, शिक्षा, स्वास्थ्य, रोजगार, संचार , यातायात आदिको ग्यारेन्टी गर्ने बताउनुभयो ।
जिल्ला पार्टी सचिव कमरेड आकाशले जिल्ला पार्टीको समग्र योजनाको ब्याख्या गर्नु भयो । निवर्तमान इन्चार्ज तथा विशेष कमिटीका यादव दाहाल र मजदुर ताम्सालिङ संयोजक कमरेड जीत थामीले अभियान सफलताको शुभकामना दिनु भयो । कार्यक्रम पदम थामीको अध्यक्षता र राजकुमार लामिछानेले संचालन गर्नु भएको थियोे ।
