रुसले भारतलाई एयर डिफेन्स मिसाइल सिस्टम एस ४०० आपूर्ति गर्न थालेको छ। रुसी सैन्य सहयोग एजेन्सीका प्रमुख दिमित्री शुगायेभलाई उद्धृत गर्दै रुसी समाचार एजेन्सीहरूले आइतबार यो जानकारी दिएका हुन्।

वायु रक्षा क्षेप्यास्त्र प्रणालीको आपूर्ति सुरु भएसंगै भारत अहिले अमेरिकी प्रतिबन्धको चपेटामा परेको छ । वास्तवमा, सन २०१७ मा अमेरिकाले विश्वलाई रूसको सैन्य उपकरण किन्नबाट रोक्नको लागि एक कानून बनाएको थियो।

दिमित्री शुगायेभ आइतवार एक एयरोस्पेस ट्रेड शो मा उपस्थित थिए। समाचार एजेन्सी इन्टरफ्याक्सले उनलाई उद्धृत गर्दै भन्यो, “यसको पहिलो खेपको आपूर्ति अब सुरु भएको छ।” उनले एस–४०० प्रणालीको पहिलो युनिट यसै वर्षको अन्त्यसम्ममा भारत पुग्ने बताए । पाँच लामो दूरीको सतहबाट हावामा मार हान्न सक्ने क्षेप्यास्त्रहरूको यो प्रणाली किन्नको लागि २०१८ मा ५.५ अरब डलरको सम्झौता भएको थियो।

यस सम्झौताको बारेमा भारतले चीनको धम्कीको सामना गर्न यो आवश्यक रहेको बताउँछ। अमेरिकी प्रतिबन्धको खतरा बढ्दै गएपछि भारतले (सीएएटीएसए) नामक कानून अन्तर्गत अमेरिकाबाट धेरै आर्थिक प्रतिबन्धको सामना गर्नुपर्ने हुनसक्छ । यस कानूनको पूरा नाम सीएएटीएसस हो। यस कानून अनुसार रुस, उत्तर कोरिया र इरान संयुक्त राज्य अमेरिकाका विरोधी हुन्

युक्रेनविरुद्ध कारबाही गर्ने, २०१६ को अमेरिकी चुनावमा हस्तक्षेप गर्ने र सिरियालाई सहयोग गरेकोमा अमेरिकाले रुसलाई आफ्नो शत्रुको रूपमा हेर्छ। तर, भारतले अमेरिका र रुस दुवै आफ्नो रणनीतिक साझेदार भएको बताएको थियो ।

तर अमेरिकाले भारतलाई सीएएटीएससबाट छुट पाउने सम्भावना नरहेको बताएको छ। अमेरिकाले गत वर्ष नाटोको सहयोगी टर्कीमाथि पनि यही कानूनअन्तर्गत प्रतिबन्ध लगाएको थियो। वास्तवमा टर्कीले रुसबाट एस ४०० मिसाइल प्रणाली पनि किनेको छ।