सिँजादर्पण काठमाण्डौ ।। नेपाल र भारत जोड्ने एउटा रेल सेवाको शनिवार दुई देशका प्रधानमन्त्रीले संयुक्त रूपमा उद्घाटन गर्ने भएसँगै नेपालमा भारतीय सहयोगमा निर्माणाधीन तथा निर्माण हुन लागेका अन्य अन्तरदेशीय रेलमार्गबारे फेरि एकपटक चर्चा भइरहेको छ।प्रधानमन्त्री शेरबहादुर देउवाको भारत भ्रमणका क्रममा शनिवार उनी र उनका भारतीय समकक्षी नरेन्द्र मोदीले जयनगर(कुर्था रेलसेवाको संयुक्त रूपमा भर्चुअल माध्यमबाट उद्घाटन गर्ने भएका छन ।
भारतले रेलमार्ग निर्माण गरिदिएपछि नेपालले आफ्नै खर्चमा दुईवटा रेल किनेर ल्याएको करिब डेढ वर्षपछि बल्ल उक्त सेवाको उद्घाटन हुन लागेको हो।शनिवार उद्घाटन भएर आइतवारदेखि नियमित सेवा सुरु हुने भनिएको जयनगर(कुर्था रेलसेवाले भारतको विहार र नेपालको धनुषा जिल्लालाई जोड्नेछ।
